CEEHRN на Македонски јазик - 23.11.2005

На 23-ти Ноември, 2005 година е објавен преводот на интернeт страницата на Мрежата за намалување на штети на Централна и Источна Европа. На македонски се преведени најбитните содржини од интеренет страницата, кои сега се достапни подеднакво како и оние на руски и англиски јазик.
Интернeт страната е достапна на: www.ceehrn.org , а содржините на Македонски јазик се отвараат со кликнување на Македонското знаме во горниот десен агол на прозорецот.
_____________________________________

Извештај од Мрежата за намалување на штети за Централна и Источна Европа - 12.12.2005

Извештај предупредува од ХИВ криза во Источна Европа и Централна Азија.
Катастрофална епидемија на ХИВ/СИДА во Европа и Централна Азија може да се спречи доколку се заштити здравјето на сексуалните работници, се вели во новиот извештај од Мрежата за Намалување на Штети за Централна и Источна Европа (CEEHRN).
_____________________________________

СИТЕ ВО ПОГОН - 13.02.2006

Почнувајќи од 16.02-23.02.2006 ќе може да ја проследите акцијата СИТЕ ВО ПОГОН која ќе се одржи во просториите на ПОГОН во Домот на Н. Техника во Карпош 3 наспроти ТЦ Лептокарија.
Акцијата се состои од изложба на векторски графички дизајни VECTORSPECTIVE, Стрип изложба и прoмоција на стрип магазинот COMICUS MAGNUS. Изложба на фотографии под наслов ПОСЕТИТЕЛИ како и промоција на младинскиот магазин СИТЕ.
За повеќе инфомации: www.pogon.org.mk
_____________________________________

Намалување на штети и ХИВ - 30.03.2006

Од печат е излезена последната публикација од издаваштвото на ХОПС под наслов "Намалување на штети и ХИВ", од повеќе автори.
Овој прирачник на 84 страни е наменет за здравствените и социјалните работници во Р. Македонија со цел доближување на програмите за намалување на штети и намалување на стигмата кон истите. Во тек е промоцијата на публикацијата низ републикава и досега се промовираше во Струмица, Куманово, Битола, Охрид, Кавадарци, Гостивар и Штип. Промоцијата во Скопје ќе се оддржи на 05.04.2006 во 14 часот во просториите на Британскиот совет во Скопје. Прирачникот е издаден со финансиска поддршка на Британска Амбасада во Скопје.
Електронската верзија на прирачникот е достапна во публикациите или клик овде
_____________________________________

Семинар за намалување на штети - 10.04.2006

Од 14-17.04.2006 во Хотел Оаза - Штип ќе се одржи семинарот за "Намалување на штети и модел на споделена одговорност" во рамките на активностите поддржани од Глобалниот Фонд и Министерство за Здравство.
На семинарот ќе присуствуваат здравствени и социјални работници, претставници на Министерство за Внатрешни работи и претставници на локалните самоуправи од Скопје, Штип и Кавадарци.
_____________________________________

Покана за панел дискусија за законот за дроги во Република Македонија - 11.04.2006

Место: Клуб на пратеници, Скопје
Датум: 17.04.2006
Време: 10:30

Македонската мрежа за намалување на штети од употреба на дроги, предводена од НВО ХОПС и НВО Доверба, Ве покануваат на панел дискусија за законот за дроги во Република Македонија на 17 април 2006 година, во Клубот на пратеници во Скопје, со почеток во 10:30.

Панел дискусијата има за цел да го подигне нивото на информираност на оние кои одлучуваат, професионалците / експертите (од владиниот и невладиниот сектор), како и на пошироката популација, за:

- слабостите и предизвиците на постоечкиот закон за дроги во Македонија и да понуди препораки за промени, коишто ќе доведат до политика на дроги, која е помалку репресивна и која е ориентирана кон јавното здравство;
- неуспешноста на рестриктивните политики на дроги во другите земји, со посебен фокус на Република Чешка и Бугарија и
- добрите пракси во Европската унија и во светот.

На дискусијата ќе земат учество:

- Татјана Петрушевска, Специјалист за аналитичка контрола на лекови, Координатор на CARDS твининг проектот за дрога при Министерство за здравство на Република Македонија, која ќе ги презентира активностите на

Министерството за здравство за усогласување на законодавстовото за контрола на дрогите на Република Македонија со законодавството на Европска унија;

- Томас Забрански, член на Работната група за зависности при Министерство за здравство и Раководител за истражување и развој на Центарот за адиктологија - Медицински факултет при Карловиот универзитет во Прага, Република Чешка, кој ќе зборува за развојот на политиката на дрога во Република Чешка и ќе ја презентира студијата за влијанието на рестриктивната политика на дроги во оваа земја;
- Тихомир Безлов од Центарот за студии за демократија, социолошки и економски програми во Бугарија, кој ќе ги презентира резултатите од истражувањето “Употребата на хероин една година по забраната на дозата за “лична употреба”. Законот и новите ризици” и
- Жарко Трајаноски, соработник на Истражувачкиот центар за родови студии при Институтот Евро Балкан, кој ќе ги презентира резултатите од анализата на легислативата поврзана со дрогите и употреба на дрогите во Република Македонија.

Панел дискусијата ќе се оддржи во Кино салата во Клубот на пратеници, со почеток во 10:30 и планирано е да заврши до 12:30. Регистрација и запознавање на учесниците од 10:00 - 10:30.

Поради ограничениот број на учесници, Ве молиме да го потврдите Вашето учество на следниве броеви: 071 618 270, тел/факс: 3 130038 или на е-mail: nora_stojanovik2003@yahoo.com

Со почит,

Скопје, 11.04.2006
_______________________

Елеонора Стојановиќ
Македонска мрежа за намалување на
штети од употреба на дрога (ММНШ)
Капан ан, Локал бр.3
1000 Скопје
Тел/факс: (0) 2 3130 038
Мобилен: 071 618 270
Е-маил: nora_stojanovik2003@yahoo.com
_____________________________________

Вања Димитриевски
Инфо менаџер
_____________________________________

ХОПС - Опции за здрав живот стана членка на Мрежата за застапување на правата на сексуалните работници - (Sex Work Advocacy Network (SWAN)) - 18.04.2006

Во Мрежата за застапување на правата на сексуалните работници членуваат 15 организации од 14 земји во Централна и Источна Европа кои ги застапуваат правата на сексуалните работници и кои сметаат дека со организирана акција на регионално ниво може да се обезбеди поддржувачка околина за сексуалните работници и за здруженијата на граѓани кои работат со сексуални работници да земат поголемо учество во процесите на одлучување за прашањата кои ја засегаат сексуалната работа.
Седиштето на Мрежата се наоѓа во Будимпешта, Унгарија, а раководена е од меѓународен тим.
_____________________________________

VANGUARD 2006 - 16.05.2006

Од 17-20. Мај 2006 година во Белград, СЦГ ќе се оддржи Меѓународна конференција за Намалување на штети од употреба на дрога и ХИВ/СИДА. На конференцијата ВАНГУАРД и претходи Симпозиумот за Супституциони терапии - "Нов квалитетен живот за корисниците на дрога" кој ќе се оддржи на 17.05.2006 во Нови Сад во склоп на VANGUARD 2006. На Vanguard активно учество ќе земат и претставници од Македонија и тоа членови од ХОПС - Опции за здрав живот како и претставници на други Невладини организации и владини институции.

Повеќе информации за Конференцијата VANGUARD може да најдете на веб страната www.vanguard2006.net.
_____________________________________

Едукација на студенти во ХОПС - 05.06.2006

Во периодот април - мај 2006та година, ХОПС спроведе низа еднодневни едукации за студенти. Повеќе

_____________________________________

Средба за размена на искуства поврзани со ДДСТ - 21.08.2006

Како дел од Програмата за борба против ХИВ/СИДА во Западен Балкан, Фондацијата Партнерство за здравје организираше регионална средба за размена на искуства поврзани со доверливо и доброволно советување и тестирање (ДДСТ). Средбата се одржа во Косово, на 27-28 јули. Целта на средбата беше да се овозможи регионален форум на владини и невладини претставници од Македонија (ХОПС - Скопје, ХЕЛП - Гостивар, Зона – Кавадарци, Младински Клуб – Штип, Опција – Охрид, ХОПС – Куманово), Албанија (АПРАД, Институт за јавно здравје, ИПОС) и УНМИК – Косово (ЦСГД, Лабиринт, Анти ДАНС, Клинички центар – Приштина) каде истите ќе имаат можност да ги споделат своите видувања, искуства, предизвици и можности поврзани со работа со различни целни групи – сексуални работници, лица кои употребуваат дроги, МСМ, Роми, мобилни групи или општа популација, секако со фокус на ДССТ. Воедно, овааа средба овозможи формирање на неформална мрежа на колеги кои работат на полето на ДДСТ кои и во иднина ќе продолжат да комуницираат и разменуваат искуства и информации.

VCCT exchange visit

As the part of the Western Balkans Program to fight HIV/AIDS, Foundation Partnership in Health organized a regional exchange learning visit on VCCT. The exchange visit was held in Kosovo, 27 – 28th of July. The goal of this visit was to provide a regional forum for GO and NGO colleagues from Macedonia (HOPS, Help, Zona, Option, Youth club, HOPS Kumanovo), Albania (APRAD, Institute for public health, IPOS) and UNMIK-Kosovo (CSGD, Labyrinth, Anti DANS, Clinical Hospital Center – Prishtina) to share their insights on the challenges and opportunities based on different target groups – CSWs, IDUs, MSM, Romma, mobile or general populations, focus for VCCT. In addition this exchange visit will allow to start forming an informal network of VCCT providers in this region for continued exchange and mutual sharing of experiences.

_____________________________________

South East European Network Against AIDS - 30.08.2006

ХОПС - Опции за здрав живот, стана членка на Југо Источна Европска мрежа за борба против СИДА. Во рамките на SEENAA членуваат следниве организации: Action Against AIDS (Bosnia and Hercegovina), Galen (Albania), HERA (Macedonia), HOPS (Macedonia) iи Juventas (Montenegro).
Целта на формирањето на SEENAA e:
1. Зголемување на организационите капацитети на членките на мрежата за борба против СИДА.
2. Фацилитирање и развој на заеднички проекти и иницијативи поврзани со ХИВ/СИДА преку соработка.
3. Размена на добри и лоши пракси поврзани со борбата против ХИВ/СИДА меѓу членките на мрежата.
4. Зголемување на регионалниот одговор за борба против ХИВ/СИДА во Југо Источна Европа
_____________________________________

_____________________________________

Национална кампања "Биди дел од решението, не од проблемот” - 13.09.2006

Македонската мрежа за намалување на штети (ММНШ), предводена од ХОПС - Опции за здрав живот (Скопје), Младински клуб (Штип), ДОВЕРБА (Скопје), ОПЦИЈА (Охрид), ХЕЛП (Гостивар), ЗОНА (Кавадарци), ПАСАЖ (Скопје), ХОПС (Куманово), Виа Вита (Битола), ИЗБОР (Струмица) и Глува соба - лим-пид (Скопје), спроведува национална кампања за создавање на позитивно јавно мислење за програмите за намалување на штети, лицата што употребуваат дрога и нивните семејства под мотото “Биди дел од решението, не од проблемот”.

Кампањата ќе започне на 14 септември во Кавадарци и следните два месеца, преку разни образовни и културни настани, ќе помине во други седум градови, во кои експертите, медиумите и пошироката публика ќе можат детално да се запознаат со програмите за намалување на штети од употреба на дрога, со главен акцент врз програмите за превенција на ХИВ/СИДА кај лицата што инјектираат дрога и активно да учествуваат во кампањата за намалување на стигмата и дискриминацијата кон лицата што употребуваат дрога и нивните семејства.

Кампања е поддржана од Министерството за здравство и Глобалниот фонд за борба против ХИВ/СИДА во Република Македонија.

Со почит,

Елеонора Стојановиќ
Претседател на ММНШ
Капан Ан, Лок.бр.3
1000 Скопје
Тел/факс (0) 2 3130 038;
nora_stojanovik2003@yahoo.com
www.mhrn.org.mk
_____________________________________

Одржана е првата средба на регионалната мрежа на организации кои работат на застапување на правата на сексуалните работници - SWAN - 20.09.2006

Во периодот 7-9 Септември, 2006, во Будимпешта, Унгарија се одржа првата средба на новооформената регионална мрежа за застапување на правата на сексуалните работници. На средбата присуствуваа 20 претставници на различни организации од Централна и Источна Европа и Централна Азија– членки на мрежата, меѓу кои и претставникот на ХОПС – Опции за здрав живот како организација претставник на SWAN во Македонија.

Првиот дел од средбата се искористи за меѓусебно претставување и запознавање на членките на мрежата и поставување на основните принципи и насоки за понатамошна комуникација, поддршка и соработка помеѓу истите. Во вториот дел од средбата беше одржана обука на претставниците на мрежата за односи со медиумите како еден од најважните канали за промоција и застапување на правата кои се од интерес на сите членки на мрежата - правата на сексуалните работници.

За повеќе информации:
Марија Тошева
Претставник на ХОПС во SWAN
e-mail: marijat [at] hops.org.mk

- - - - - -

- - - - - -

_____________________________________

Истата е достапна на англиски, француски, германски, шпански и руски, а преведена на македонски ќе биде препратена и ставена на вебсајтот www.sexworkeurope.org, заедно со сите останати преводи.

ЛИНК до Декларацијата (pdf format)

Марија Тошева
Директор на Програмата за поддршка на СР
ХОПС - Опции за здрав живот
_____________________________________

Вторник – 24.10.2006

10:00 Информативна сесија за новинари во НВО Инфо Центарот

11:00 Град Скопје, Сала за состаноци на Советот на Град Скопје
Работна средба на организации и програми за рехабилитација и ресоцијализација на лицата сто употребуваат дроги (само со претходна најава/покана)

21:00 Club CASTRO
HardCore свирка: Bill Skins Fifth (СК), White Noise in a White Room (КУ) и Јаболко за даскалот (СК)

Среда – 25.10.2006

22:00 Club CASTRO
Концерт: La CARAVANE PASSE (gypsy, reggae, hip-hop, bluz, jazz / FRANCE)

Четврток – 26.10.2006

12:00 Арт кафе – Мала станицаТркалезна маса за постоечките програми за лекување на лицата зависни од дрога

22:00 Арт кафе – Мала станица
Изложба на Борис Петровски – Digital Art
Музички перформанс: Live act – Re4m (СК)
Видео проекции: Златко Трајковски, Филип Митров и Игор Андреевски

Петок – 27.10.2006

10:00-12:00 Министерство за здравство
Едукативна работилница за новинари (само со претходно заказување/покана)

21:00 Арт кафе – Мала станица
Ретроспективна изложба: Запчаникот што ги придвижи - Младински центар ПОГОН
Музички перформанс: Live acts - Димитар Додевски (БТ), Every Kid on Speed (Acid fake / СК) + VJ Марија (СК)

Club CASTRO
21:00 Концерт: Storm (Black-Death metal / СК)
24:00 Концерт: Break Down (Cover Band / СК)

Сабота – 28.10.2006

12:00 – 21:00 Плоштад Македонија
Музички хепенинг со Канал 103 (Плагиј.ат - live streaming од 12:00-14:00)
Музички миксер (14:00-21:00): Gataful (Chillout & Downtempo), Tunic (Indie Rock), Pickard (Ретро 80’s – Electro Pop),
ДЈ Владе (House) и ДЈ Митко (Techno & Progressive)

21:30 ЛУДНИЦА
Музички перформанс: Live act – Trycho 909 (СК), Јане Offpop (Канал 103)

Влезот за сите настани е БЕСПЛАТЕН!!!

Благодарност до сите сто ја дадоа својата поддршка за кампањата во Скопје:
Град Скопје, Министерство за труд и социјална политика

Club Castro, Арт Кафе – Мала Станица, Кафе Лудница, Plagij.at ,Погон, НМП, НВО Инфорцентар

Медиумски спонзори: Канал 103, Антена 5, Радио Равел, Life Радио, City радио, Македонско Радио - Радио 2

Националната кампања е поддржана од:Министерство за здравство и Глобален Фонд
_____________________________________

SWAN Билтен, Издание бр.5, Година 1, Октомври 2006 - 09.11.2006

Октомвриското издание на билтенот на Мрежата на организации кои работат на застапување на правата на сексуалните работници (SWAN).

ЛИНК до Билтенот
_____________________________________

Манифестот е изготвен и прифатен од 120 сексуални работници од 26 земји на Европската Конференција за сексуална работа, човекови права, труд и миграција, одржана на 15 и 16 Октомври 2005 и презентиран на третиот ден од конференцијата, водена од Моника Фрасони, Италијански член на Европскиот Парламент, Зелени - Европска слободна алијанса во Европскиот Парламент, на 17 Октомври 2005.

Линк до Манифестот (PDF format)

Во текот на конференцијата се организираа работилници во кои сексуалните работници и нивните сојузници ги споделија своите искуства, знаење и стручност при анализирање на реалноста на работата на сексуалните работници низ Европа.

Од овие работилници произлегоа неколку препораки кои следат во прилог.

Линк до Препораките (PDF format)

Марија Тошева
Директор на Програмата за поддршка на КСР
ХОПС - Опции за здрав живот
_____________________________________

1-ви Декември, Интернацианлен ден за борба против СИДА - 01.12.2006

ИЗЈАВА НА SWAN ПО ПОВОД 1ви ДЕКЕМВРИ, СВЕТСКИОТ ДЕН ЗА БОРБА ПРОТИВ ХИВ/СИДА

Денес е 1. Декември, светскиот ден за борба против СИДА.
На овој ден ние, претставниците од 16 невладини организации од 15 земји, сакаме да ги предупредиме владите во нашиот регион дека светот се соочува со човечка катастрофа без преседан. 25 години откако се појави СИДАта нанесе огромно страдање на земјите и заедниците ширум целиот свет. Така наречените “маргинализирани” групи се под поголема закана од ХИВ одошто општата популација. Во овие маргинализирани групи спаѓаат и сексуалните работници.

За повлекување на ХИВ пандемијата, ги повикуваме нашите влади за следново:
- декриминализација и депенализација на сексуалната работа;
- обезбедување на достапност на основните средства за превенција (кондоми), медицинска грижа, социјални услуги, тестирање и третман;
- препознавање на фактот дека правата на сексуалните работници како и сексуалните и репродуктивните права се и човекови права;
- препознавање на фактот дека сексуалните работници не се проблемот, туку дел од решението. Нема да има решение за ХИВ пандемијата без нивно вклучување.

Марија Тошева
Директор на Програмата за поддршка на КСР
ХОПС - Опции за здрав живот Скопје

Во прилог следува целосната изјавата и повикот до Владите за да се спречи пандемијата на ХИВ:

Изјава на SWAN по повод 1-ви Декември

Информации за Организациите - членки на SWAN

Други активности спроведени од страна на ХОПС по повод 1-ви Декември 2006:
Денеска волонтерите вклучени во Младинскиот Центар ќе бидат дел од акцијата на УНАИДС и Министерство за Здравство во ТЦ Рамстор каде бесплатно ќе се делат брошури и кондоми.
Вечер во Студентскиот дом Гоце Делчев ХОПС ќе ја поддржи студентската забава преку дистрибуција на бесплатни кондоми и брошури.
Утре вечер 02.12.2006 на фестивалот ТАКСИРАТ, ХОПС ќе има штанд преку кој тимот на ХОПС ќе дистибуира бесплатни кондоми и брошури.
Во клубовите Маракана и Лудница и Кафе барот Пабло ќе се дистрибуираат кондоми и лубриканти.
_____________________________________

1-ви Декември во Програмата за поддршка на КСР - 04.12.2006

По повод 1-ви Декември, светски ден за борба против ХИВ/СИДА, Програмата за поддршка на Комерцијални сексуални работници (КСР) испрати изјава до медиумите, која беше апел до властите да се соочат со оваа болест на денешницата со тоа што ќе обрнат внимание и на ранливите групи како што се сексуалните работници. Изјавата беше поддржана и потпишана од SWAN – Мрежата на организации кои ги застапуваат правата на сексуалните работници во регионот.

Изјавата беше испратена до сите дневни весници на македонски јазик, до еден весник на албански јазик и еден неделен магазин. Сите тие беа и телефонски контактирани за да бидат известени дека информацијата им е испратена. За жал, и покрај остварените контакти со луѓето од сите наведени медиуми, писмото не беше објавено во ниту еден дневен весник, освен неделникот Форум плус. Беше забележано дека за разлика од писмото на SWAN кое има чиста и јасна порака, во останатите комерцијални огласи кои го одбележаа 1-ви Декември преовладуваа информации за бројот на новоинфицирани лица со ХИВ во Македонија.

Воедно, Програмата за подршка на КСР организираше активности на отворената скопска сцена со цел доближување на денот за борба против ХИВ/СИДА кон самите сексуални работници, нивни партнери, заштитници и клиенти.

Тимот на програмата заедно со неколку ученички од ОУ Браќа Рамиз во Шутка рачно изработија црвени панделки – симболот на борбата против ХИВ/СИДА.

На 1-ви Декември панделките заедно со кондоми, лубриканти и печатени материјали беа дистрибуирани меѓу сексуалните работници, нивните партнери, заштитници, потенцијални клиенти и случајни минувачи кои во тој момент се најдоа на сцената.

И полицијата беше присутна на самиот терен, вршејќи ги своите редовни патроли. Истите не ги попречуваа активностите, меѓутоа одбија да примат црвена панделка.
_____________________________________

SWAN Билтен, Издание бр.6 Година 1, Ноември-Декември 2006 - 11.12.2006

Ноемвриско и Декемвриско издание на билтенот на Мрежата на организации кои работат на застапување на правата на сексуалните работници (SWAN).

ЛИНК до Билтенот
_____________________________________