ХОПС и Д-фестивал

Ги собираме импресиите од уште еден Д-Фестивал, гласен, креативен и убав. Тимот на ХОПС, одржа едукативна дискусија на тема „Употреба на психоактивни супстанции на музички настани“ на која се зборуваше за принципите на кои функционира намалувањето на штети од употреба на дроги, односно начинот на кој овие принципи спасуваат животи. Исто така присутните имаа можност да чујат како да се превенира, намали штета од рекреативната употреба на дроги на музички настани, да добијат информативен материјал и кондоми. 

Истражување: Правни потреби и пристап до правда за луѓето кои инјектираат дроги и сексуалните работници во Македонија

Ова истражување за првпат ги проценува правните потреби и патиштата до правда за луѓето кои инјектираат дроги и за сексуалните работници во Македонија. Спроведено беше на крајот од 2016 година и почетокот на 2017 година користејќи комбиниран истражувачки пристап. Квантитативната фаза опфати 250 испитаници избрани систематски во два чекора следејќи ги принципите на случаен избор, од кои 169 инјектираат / инјектирале дроги, а 107 се занимаваат или се занимавале со сексуална работа. Квалитативната истражувачка фаза, пак, вклучи 69 испитаници од двете заедници преку дискусии со фокусни групи, како и 7 претставници од надлежни институции опфатени со индивидуални или групни интервјуа.

Заклучоци од дискусијата за рекреативна употреба на дроги

Според дискусијата која се водеше на 26 јуни, денот кога ја одбележавме кампањата „Поддржи. Не казнувај!“, дојдовме до заклучок дека повремено користење на дроги е практика присутна во Република Македонија. Трендовите на  употреба на дроги се менуваат, а ниту Македонија не заостанува од тие трендови. Според европските статистики канабисот, амфетамиски тип на стимуланси (екстази, амфетамин) и  кокаин се најчесто употребувани илегални дроги рекреативно. Во поглед на возраста тоа се адолесценти и младинци, а по адолесценција се намалува користењето.

Декриминализација сега!

Здружението Млади Европски Федералисти Македонија (ЏЕФ Македонија) и Здружението за канабис и зелени политики „Билка“ на 30 јуни во „Кино Култура“ организираат панел-дискусија „Декриминализација сега“.

Дискусијата има за цел да поттикне дебата за потребата од декриминализација на употребата на канабис во Република Македонија. На панел-дискусијата се најавени Маја Морачанин, пратеничка на Демократската Обнова на Македонија, потоа Јулиана Николова, пратеничка на Либерално Демократската Партија, Дамјан Божиновски од Левица, Наташа Бошкова од ХОПС и Коалиција Маргини и Јанаки Митровски, адвокат и член на „Билка“.

Панел дискусијата ќе се одржи на 30.06.2018 во просториите на Кино Култура со почеток од 13:00 часот. 

Поддржи. Не казнувај. 

Поддржи. Не казнувај. Македонија по шести пат се вклучува во кампањата Поддржи. Не казнувај. која се одржува по повод Меѓународниот ден за борба против дрогите. Почнувајќи од 2013 година, секоја година на 26 јуни здруженијата и слободоумните поединци од целиот свет со мотото „Поддржи. Не казнувај.“ ги предизвикуваат своите влади и меѓународните организации да се откажат од прогонот на луѓето кои употребуваат дроги и да воведат похумани политики и практики засновани на докази и на потребите на луѓето.

По повод оваа кампања Здружението ХОПС – Опции за здрав живот Скопје ве повикуа на панел дискусија: „Рекреативна употреба на дроги“, која има за цел преку отворена дискусија да ги опфати најбитните моменти од употребата на дроги од социјален, културен, здравствен и правен аспект, како и практиките за намалување на штети.

Се гледаме денес од 18 часот во Клубот ГЕМ!

Панел дискусија: „Рекреативна употреба на дроги“



Рекреативна или повремена употреба на легални и илегални психоактивни супстанции е честа социо-културна практика, како во светот така и во РМ. Употребата на дроги секогаш со себе носи и ризици, како здравствени така и правни, и затоа е потребна претпазливост и добра информираност за дејствата, ризиците и можните штетни последици од нивната употреба.

Панел дискусијата: „Рекреативна употреба на дроги“ има за цел преку отворена дискусија да ги опфати најбитните моменти од употребата на дроги од социјален, културен, здравствен и правен аспект, како и практиките за намалување на штети.

Канадскиот Сенат го легализираше канабисот

Канадскиот Сенат ја одобри легализацијата на канабисот за рекреативни цели. Всушност Канада е прва меѓу членките на Г-7 која го  легализира канабисот за рекреативна употреба.

Поседувањето канабис во Канада е криминал од 1923 година, но неговата употреба за медицински цели е одобрена од 2001 година.
 

Предлог-законот треба да добие кралско одобрение – указ, потпишан од генералниот гувернер кој ја претставува кралицата Елизабета Втора, по што Владата ќе треба да избере официјален датум за влегување во сила на законот. Се очекува локалните власти да добијат осум до дванаесет недели за да утврдат каде ќе се продава канабисот.

Препорачуваме: „Учењето на Дон Хуан“ од Карлос Кастанеда; „Дорс“ во режија на Оливер Стоун


















Книга

„Учењето на Дон Хуан“ од Карлос Кастанеда
The Teachings of Don Juan by Carlos Castaneda

Карлос Кастанеда (1925 – 1998) е перуанско-американски антрополог и писател, кој докторирал на Универзитетот за антропологија во Калифорнија.

Тој се прославува со серија романи, дванаесет од нив, започнувајќи со првиот Учењето на Дон Хуан во 1968 година. Романите се пишувани во прво лице затоа што ги претставуваат негови лични искуства како ученик на индијанскиот шаман (брухо) дон Хуан Матус од племето Јаки кого го сретнал во 1960 година.

Сакајќи да дознае повеќе за ефектите на халуциногените габи, кактуси и треви што ги користат мексиканските Индијанци, Кастанеда доаѓа во контакт со старите Индијанци, поточно со учителот Дон Хуан кој постепено го воведува во истражувачкиот чудесен свет што постои зад халуциногените растенија: пејотл (Lophophora williamsu), татула (Datura inoxia) и од царството на халуциногените габи (Psilocybe mexicana).

ХОПС на Д- Фестивал

Креативците на ХОПС и оваа година ќе бидат дел од програмата на Д Фестивал 2018. Три дена резервирани за фестивалската слобода, илјадници пријатели, +100 изведувачи и гости, 4 бини, камп и еден куп случувања во најпозитивната атмосфера на единствениот летен open-air музички фестивал во Македонија!

Отворете ги мислите, посетете нè и бидете дел од едно поинакво креативно искуство. Ќе создаваме, ќе креираме и
Отворете ги мислите, посетете нè и бидете дел од едно поинакво креативно искуство. Ќе создаваме, ќе креираме и преку тоа ќе се едуцираме. 

Сексуална едукација во Македонија

Најновото истражување на Bzga и Европската мрежа IPPF, покажува дека во Македонија има три Национални стратрегии кои се парцијално поврзани со сексуалното образование, Национална стратегија за млади (2016-2025), Национална стратегија за ХИВ (2012-2016), Национална стратегија за сексуално и репродуктивно здравје (2010-2015). Меѓутоа нема предмет во училиштата поврзано со сексуалната едукација во Македонија. Според една студија во 2014 година, само 7% од учителите дале изјава дека разговарале со своите ученици за сексуално образование и ориентација, 9% изјавиле дека користат орална контрацепција, 15% користеле кондом.

Pages