Глобалниот фонд поддржа проширувањето на регионалeн проект за 14 земји, меѓу нив и Македонија!

На 21 септември, Глобалниот фонд за борба против СИДА, туберкулоза и маларија го поддржа барањето за дополнително финансирање на нов регионален проект вреден 2,5 милиони долари. Благодарение на оваа одлука на Глобалниот фонд, проектот „Одржливост на услугите за клучните популации во регионот на EECA" вклучува уште 5 други земји во Југоисточна Европа меѓу кои и Македонија, заедно со Босна и Херцеговина, Црна Гора, Романија и Србија.

„Глобалниот фонд ќе го финансира проектот во максимален можен износ од 13 милиони американски долари. Проектот ќе се спроведува истовремено во 14 земји во регионот на Источна Европа и Централна Азија! Претходно не постоеше таков амбициозен и голем проект во регионот EECA. Следните три години ќе бараат многу напори од сите нас. Сепак, токму тоа ни е потребно! " - Андриј Клепиков, извршен директор на Сојузот за јавно здравје, кој е главен примател на новиот регионален проект.

Ситуација со програмите за намалување на штети во Словачка и Чешка

Активностите за намалување на штети од дроги ширум светот работат неколку децении. Нивната ефективност веќе долго време е потврдена, а се повеќе и повеќе земји почнуваат да ги вклучуваат организациите во создавање на новите политики за дроги. Меѓутоа, ситуацијата во Словачка оди во спротивна насока. Од првичните 6 организации кои обезбедувале програми за размена на стерилни игли, само три од нив остануваат да функционираат, со тоа што секоја година се борат за преживување. Секоја година се соочуваат со финансиска нестабилност, а парите мора да бидат обезбедени од многу извори, но ниту еден извор не е сигурен.

Последните 3 организации за намалување на штети се наоѓаат во Западната Словачка. Во Централна и Источна Словачка не постојат програми за размена на стерилни игли, ова резултира со недостаток на информации за луѓето кои користат дроги во оваа област и за оние кои не посетуваат медицински услуги. 

Во Јужна Африка, личната употреба на канабис (дага), повеќе не е кривично дело

ЈОХАНЕСБУРГ - Уставниот суд пресуди дека е легално да се одгледува и консумира канабис (дага) за лична употреба. Во едногласна пресуда, највисокиот суд во земјата ја декриминализира приватната употреба на дага.

Врховниот суд на Западен Кејп сензационално пресуди дека канабисот треба да биде легализиран за домашна употреба во 2017 година. Сепак, државата ја обжалила оваа одлука и била во мирување една година. 

Уставниот суд на СА сега ја донесе својата сопствена одлука, која треба да биде последниот збор по ова прашање. Пресудата беше донесена од заменик-шефот на правдата, Рејмонд Зондо. 

Владата сега има 24 месеци официјално да го напише овој закон. Сепак, приватната употреба го има зелено светло од вторник, 18 септември. Зондо појасни дека сега е до владејачката АНЦ да одлучи кои количини се дозволени по човек и мора строго да се заснова на "лична употреба".

Запознавајќи ја Вера

Крај на 90ти. Дисфункционална држава. Дисфункционално семејство. Дома три деца, родители, баба и дедо – Ужас! Гужва и нелагодност. Секој влече на своја страна. Машки родител угледен во своето друштво на викендашки алкохоличари со ретка професија, женски родител изгубен во просторот и времето потиснат од сопствените стравови.

Најголемо дете, водич на популарност во населбата, средно дете сува лепота, а најмалото прцле во градинка. Периодот на транзиција во државава си го зима данокот и во моето семејство. А моите хормони почнаа да здивуваат. Детето на светлината почна да темнее. Сиви облаци виснаа над мојата глава. Во тој период на сцена стапуваат некои чудни момци што не се баш омилени меѓу комшиите, слушаат чудна музика и зимаат дроги. Јас заљубена у нив. Пикај се, пикај се и на крај се пикнав. Никој не ме излажа, никој не ме натера. Лично моја желба и убедување дека тоа е кул и модерно (инспирирана од сите можни филмови со дроги и деликвенти у тоа време), а не како прчливе по кафани шо идат. И така почна.

Skopje Street Food Festival

Skopje Street Food Festival е настан кој ќе ви овозможува на едно место да ја пробате најкултната улична храна во Скопје. Овој настан ќе се одржи од 21 до 23 септември во Градски парк поточно позицијата е лостов цвет или по нашки сепарињата на фонтана. На фестивалот ќе земат учество над 20 урбани локали кои ќе имаат можност на лице место да ги приготват своите најдобри улични специјалитети.

Исто така овој настан има хуманитарна цел. Во соработка со организацијата „Ретвитни Оброк“, 10% од приходот од фестивалот се наменети за обезбедување на намирници за подготовка на оброци за социјално загрозени лица. Свои работилници за едукација и анимирање на најмладите посетители, како и продажба на креативни изработки ќе имаме ние  ХОПС и организацијата за самохрани мајки ONE CAN

Програмите за намалување на штети во Црна Гора

Во 2017 година екипата на  Drugreporter, ја сними работата на невладината организација Јувентас (Црна Гора). Јувентас како невладина организација ја започнува својата работа во 1996 година и успева да биде во центарот на настаните поврзани со одредени категории на луѓе во Црна Гора и нивните права. Во 2004 година, ја започнуваат својата работа со корисници на дрога и сексуални работници, а за време на "златните години" со добивање на финансиите од Глобалниот фонд и покрај сите пречки прават одлична работа.

Во документарниот филм, зборуваат за нивната секојдневна работа, како ги водат дроп ин центрите и теренски работи, за тоа со какви проблеми се соочувале и соочуваат по заминувањето на Глобалниот Фонд,  кои се добрите страни на обидот да се направи промена со програми за намалување на штети.

Годишен извештај на Глобалниот фонд за борба против СИДА, туберкулоза и маларија

Глобалниот фонд за борба против СИДА, туберкулоза и маларија во својот годишен извештај, објави дека откако организацијата е основана во 2002 година, инвестициите за борба против најсмртоносните заразни болести на светот, спасиле повеќе од 27 милиони животи.  Во 2017 година, програмите поддржани од Глобалниот фонд дистрибуирале 197 милиони мрежи за комарци за спречување на маларија и помогнале да се обезбеди антиретровирусна терапија за 17,5 милиони луѓе кои живеат со ХИВ.

„Благодарение на континуираната двопартиска поддршка на Конгресот, Америка успеа да спаси 27 милиони животи преку Глобалниот фонд" - Крис Колинс, претседател на  Friends of the Global Fight Against AIDS, Tuberculosis and Malaria

Ирина од кулите

Населба Острово. Деведесетти. Хероинот беше кул фактор. Социјален хит. Оно Земун брате, оно Булит брате. Тренерка, дукс, ланец. Маало на клупи, во школски, низ ,,Скопјанка", ,,Три бисери". Докај Џуџе или Керамидница. Колумбо или Гази Баба. Трк до Мичурин, околу градинка. Висење. Со денови. Понекогаш до ,,Олида'' во Чаир. Вадење јазик после блицеви. Тоа го правеа ,,големите'' во маало. Не се криеја од нас. Едукација. Лудило бачко, раз-би-рааш?!

Ирина тука растеше. И јас до неа. Но, Ирина беше преамбициозна за тој расадник. Барем така резимираше во глава.

Ирина не се дрогираше долго, ама се дрогираше многу. Бааги. Беше заљубена во хероин. Затрескана. Сè вложи во хорсот. Само еден дечко, Сашо, го сакаше исто толку. Нивна фотка, како се лапаат, урамена е во станот кај моите дома.

Се одржа тренинг за буџет мониторинг и буџет застапување во Сараево

Од  5 до 7 септември во Сараево се одржа тренинг за буџет мониторинг и застапување на здруженија на граѓани активни во областа на превенција на ХИВ од Босна и Херцеговина. Главна цел на обуката беше да се изработи едногодишен план за застапување во насока на одржливост на превентивните програми за ХИВ во Босна и Херцеговина чие финансирање од Глобалниот фонд престанува во месец ноември. 

Засега Босна и Херцеговина нема обезбедено финансиски средства за продолжување на овие програми кои ги спроведуваат здруженијата на граѓани. Тренингот го организираше ДПНСЕЕ – Мрежата за политики за дроги во Југоисточна Европа , а тренери беа Влатко Деков од ХОПС и Дарко Антиќ од ЕСЕ.

Хомосексуалните бракови во Индија, повеќе не се казнено дело

Пет судии на Врховниот суд во Индија, се изјаснија дека хомосексуалноста повеќе не е злосторство и не е ментално растројство. 

Врховниот суд ја поништи својата одлука од 2013 година и делумно ја урна одредбата 377, т.е контроверзниот закон од британската ера, кој го забранува консензуалниот геј секс. Забраната е ирационална, неоправдана и очигледна арбитрарна, рекоа судиите. "Прифатете ме како што сум", кажал главниот судија на Индија, Дипак Мисра.

Судот пресуди дека дискриминацијата на основа на сексуална ориентација е темелно кршење на човековите права. 

Поборниците за легализација на ЛГБТ правата, ја дочекаа пресудата со силни овации пред судот. 

Pages