Национален извештај за напредокот на ХИВ/СИДА во САД

Одделот за здравство и социјални услуги на САД го објави Националниот извештај за напредокот на ХИВ/СИДА стратегијата (NHAS)  за 2017 година.  Шестти ваков извештај откако е формиран првиот NHAS извештај во 2010 година.  ​​​​​​​

Извештајот го изработиле членовите на Сојузната работна група на NHAS, која го координира спроведувањето и следењето на Стратегија низ федералната влада. Можете да го прочитате на HIV.gov

Една одлика на NHAS е серија од 17 индикатори кои се користат за мерење на напредокот во исполнувањето на целите на планот. Тие успеале да соберат и да претстават информации за 16 индикатори во извештајот.​​​​​​​

Патешествие на бремена жена во здравствениот систем во Берлин

Новиот филм на колегите од Drugreporter говори за Нетти и нејзиниот новореден син и препреките во здравствениот систем во Берлин.

Нетти живеејќи како сексуална работничка кој користела дрога во Берлин, била изложена на многу ризици, вклучувајќи финансиска експлоатација од макроата и дилерите и стигматизација од општеството. Го сретнала таткото на своето дете во центарот за детоксикација. Кога забременила, таа го започнлаа своето патување во социјалниот и здравствениот систем во Берлин, кој се смета за прилично добар од глобална перспектива. Сепак, таа морала да се соочи со неколку неочекувани предизвици и бариери.

Дискусија со сексуалните работници за Меѓународниот ден на сексуалните работници

Вчера во ХОПС, во Центарот за поддршка на сексуалните работници и нивните семејства, се одбележа Денот на сексуалните работници. На 2-ри јуни, се одбележува Меѓународниот ден на сексуалните работници. На овој ден во 1975 година сексуалните работници ја окупирале црквата Св. Низје во Лион, Франција. Овој историски настан се случува кога над 100 сексуални работници ја окупираат црква во знак на протест против полициското насилство и корупција. Воедно обид да се сврти вниманието за нивните лоши услови за работа.

Центарот го посетија 12 сексуални работници, кои активно дискутираа со Ивана, нашата координаторка на програмите за сескуалните работници, како и Марга нашта правничка, за правата на сескуалните работници, за значењето на овој ден и феминистичкиот манифест за поддршка на правата на сексуалните работнички. Исто така беа презентирани и моделите за сексуална работа и присутните сексуални работници беа мотивирани за поголем активизам. 

На крајот од дискусијата беше промовиран настанот ''Две од оние'' и сите присутни беа мотивирани да присуствуваат на овој настан кој што за нив е од големо значење!

Срамота! Вечер на раскажување квир-приказни.


Како и минатогодишниот Викенд на гордоста, годинава започнуваме со овој промо-настан. Неколкумина раскажувачи од јавната културна, политичка и општествена сфера раскажуваат кратки приказни за телесниот, родовиот и сексуалниот срам кој ја обележал нивната општествена ненормативност – оттаму, „квир“ како она што излегува од рамките на прифатливиот општествен код. Со овие јавно изговорени приказни, срамот се превртува и трансформира, исмејаниот станува исмејувачот – срамот се враќа назад кон оние кои занесениво својата арогантност и привилегија, претпоставуваат дека го имаат правото да бидат родова, сексуална и морална полиција, и да понижуваат.

Истакнати личности: Артур Хефтер, Алберт Хофман, Александар Шулгин, Теренс Меккена

Артур Хефтер (15.6.1859 – 8.2.1925)
 
Артур Карл Вилхелм Хефтер е германски фармаколог и професор. Роден е во Лајпциг, каде што студира хемија. Магистрира и докторира во областа на фармакологијата во 1980 година по што постигнува значајни резултати во неговата работа со алкалоиди добиени од кактусот пејотл.

Артур Хефтер е познат како хемичарот кој го изолирал мескалинот од кактусот пејотл во 1897 година, првата изолација од овој тип психоделична супстанција во чиста форма што може да се најде во природата во тоа време. Исто така експериментира со неговото дејство со тоа што ги споредувал дејствата на пејотлот и на мескалинот врз себеси. Прв се здобива со титулата психонаут поради подготвеноста да ги тестира врз себеси хемиските соединенија што ги изолирал.

Хефтер е прв претседател на Германската асоцијација на фармаколози и има голема улога во издавањето на првиот Водич по експериментална фармакологија.

Хефтер исто така бил професор по Медицинска хемија и фармакологија на Универзитетот во Лајпциг и на Универзитетот во Берн. Во 1993 година е основан Институтот за истражување Хефтер во САД во чест на д-р Артур Хефтер.
        
https://en.wikipedia.org/wiki/Arthur_Heffter
https://erowid.org/culture/characters/heffter_arthur/

„Две од оние“ – кампања и изложба посветена на сексуалните работнички

Меѓународниот ден на сексуалните работници, 2 јуни, и годинава ќе биде одбележан во Скопје. Здружението за поддршка на маргинализирани работници Стар Стар на 2 јуни во „Акантус" од 21 часот ја организира изложбата на фотографии „Две од оние" со дамите на ноќта на авторките Лилика Стрезоска, Елена Фиданска, Анита Березњак и Ирена Мила. Секоја соба своја приказна, инсталации, видеа, диџеј сет со Соња Исмаил, сангрија и шармот на старо Скопје. Во државава имаме околу 3.000 до 5.000 сексуални работници кои секојдневно се изложени на насилство, не само од своите клиенти туку и од органите на безбедноста кои би требало да ги заштитат.

Познатиот македонски уметник Никола Мартиноски ги насликал ѕидовите на познатата скопска кафеана „Океан“ со композиции на голи мажи и жени, како симбол и ода на слободната љубов. Мартиновски сакал да го прикаже ноќниот живот со пијани луѓе, нимфи, кафеански веселби, портрети на дамите на ноќта. Набргу по завршувањето на фреските бил пријавен во полиција поради порнографски слики кои го навредувале јавниот морал. Затоа и се соочил со еден ден казна затвор. Можеби ова е почетокот кога повторно почнува стигмата да владее во однос на дамите на ноќта и тие почнуваат да се соочуваат со морализаторски препреки.

 

Пренесување на ХИВ снимен од страна на француски научници

Тим на француски истражувачи успеа да сними инфицирање на здрава клетка со ХИВ. Се смета дека преносот на ХИВ не е проучен доволно и се нема прецизна идеја за точната секвенца на настани што доведува до ХИВ инфекција на гениталните течности за време на сексуалниот однос. Огромното мнозинство на нови ХИВ инфекции се стекнуваат преку гениталната и ректалната мукоза, сепак, надворешниот слој, епителиумот, на овие ткива варира и влијае на тоа како ХИВ влегува во телото.

За истражувањето е  реконструирано ин витро човечка машка уретрална мукоза врз основа на човечки клетки, чија површина била конструирана да биде црвена, како и инфицирана бела крвна клетка (Т лимфоцит, главен заразен елемент во сексуалните флуиди), кој е дизајниран да биде флуоресцентен зелен и да произведува флуоресцентни зелени инфективни честички со ХИВ.

Skopje Pride Weekend 2018 - Настрано. Политичко.

Викендот на гордоста Скопје 2018 се одржува по шести пат, во организација на Коалиција Маргини и ЛГБТИ Центар за поддршка LGBTI Support Center.

Носечката идеја позади Викендот на гордоста 2018 е НАСТРАНО. ПОЛИТИЧКО. Со оваа идеја, од една страна, сакаме да ги истражиме и проблематизираме многустраните начини на кои хегемониските имагинации за родот и сексуалноста се вкоренети во главните политички поими. Од друга страна, НАСТРАНО. ПОЛИТИЧКО стреми да го превредни фигуративниот статус на “настраноста” во рамки на доминантните културно-политички простори - настраноста како радикална разлика, како отфрлените форми на живот, како пркос кон сите идентитетски рамки, како ексцесивност во однос на сите калапи на нормализација, како сопка за “репродуктивниот футуризам” - и во истата да препознае актуелизација на самата невозможност за тоталитарното затворање на живеењето и на културно-политичката заедница.

Програмата можете да ја видите на следниот ЛИНК.

Апологија на „наркоманијата“

На почеток сакам да им се извинам на сите оние кои се сметаат себеси за наркомани или останатите членови на заедницата ги сметаат за „наркомани“, што ќе го употребувам овој израз во текстот. Го употребувам во продолжение на текстот со цел да укажам на бесмисленоста на изразот и вредноста која му ја дава на општеството, на културата, на државата итн.

Изразот наркоман доаѓа од ’наркон ναρκόω‘ (narkóō, „I put to sleep”) и ’манија μανία‘ (manía, занесеност, опседнатост), односно занесеност по наркотици. Овој израз е дискриминирачки и пред сѐ претставува не само денотација туку и конотативна врска со која на денотацијата наркоман му додава реалитет на ентитет (суштество) кое е пониско од другите, понеспособно од другите, гнасно, нечисто, суштество кое не заслужува дури ниту да живее, а камоли да споделува исти општествени и социјални вредности со означувачите (ненаркоманите). На лицето кое е уживател на дроги во овој случај му се додава истата „додадена“ вредност како при чинот на означување на Албанците како Шиптари. Израз нема само денотативна, туку и конотативна димензија. Со тоа лицата кои користат дроги се сметаат како лица од понизок ранг, како лица кои се недовршени и се недооформени, тие се исклучени од социјалните интерференции, немаат можност за никаква социјална и општествена рекуперација, а нивните шанси за политичка мобилизација се еднакви на нула.

Глобална анкета за дроги – резултати во 2018 година

Глобалната анкета за дроги е самостојно истражувачко друштво од Лондон, Велика Британија, кое се стреми кон тоа употребата на дроги да биде побезбедна, без оглед на тоа каков е законскиот статус на дрогата, со тоа што споделува информации со поединци, со заедници, со здравствени организации и со организации кои се занимаваат со креирање на политики.

Во мај 2018 година беа објавени резултатите од Глобалната анкета за дроги за истата година. Ова беше седми циклус во кој се спроведува Глобалната анкета за дроги, а за нас е особено интересен затоа што овој пат беше направен посебен преглед за Балканот како регион, во голем дел благодарение на балканската група која се погрижи за поинтензивна промоција на анкетата. Вообичаено, Глобалната анкета за дроги нема практика да прави анализи по држави или по региони. Сите досегашни детални извештаи се однесуваат на општата состојбата во светот.

Седмиот циклус на Глобалната анкета за дроги почна да се спроведува во ноември 2017 година и продолжи во 2018 година. Оваа анкета ја пополниле повеќе од 130000 испитаници од 44 држави, од кои околу 2000 испитаници се од Балканот. Од овие 2000 испитаници 38,2% се жени, што е повеќе од глобалната застапеност, каде има 34,2% испитанички. Според возрасна структура 58,8% испитаници од Балканот се помлади од 25 години, додека во глобални рамки 53,3% испитаници се под оваа возрасна граница.

Pages