Советот за Етика на медиумите во Македонија по жалба на ХОПС, одлучи дека порталот Скопје24 го прекрши кодексот на Новинари


Комисијата за жалби при Советот за етика на медиумите во Македонија на седницата одржана за 16 јануари 2018, на жалбата испратена од ХОПС, за интернет порталот „Скопје24.мк“ и текстот насловен „Разговор со „Ноќните дами“ кај МТВ во Скопје: Проституцијата сѐ уште цвета! - Видео“  заклучи дека порталот „Скопје24.мк“ го прекршил кодексот на Новинари по член 1,7,10 и 13.

Во жалбата од страна на ХОПС, наведуваме дека текстот без потпишан автор, содржи сензационалистички, еднострани и морализирачки изјави, со кои сексуалните работници се стигматизираат и вознемируваат и им се повредува правото на приватност. Текстот ги храни стереотипите и зголемува предрасудите кон луѓето кои доброволно се занимаваат со сексуална работа.

Комисијата утврди дека се наметнува сугестивно мислење кое потикнува дисксриминација и непотпишаниот автор ги стигмаитизира сексуалните работници.Текстот дезинформира и создава неосновани стравови. Според комисијата прекршени се членовите 1 и 10.

Ја  поздравуваме ажурноста и ефикасноста на Советот за етика на медиумите во Македонија и нека оваа одлука биде поука за останатите медиуми во земјата. 


Одлуката можете да ја прочитате ТУКА.

Рамзан Кадиров од Чеченија започна нова операција против корисниците на дрога


Властите во Чеченија, започнале брутална акција против корисниците на дрога. Акцијата започнала од минатиот август по наредба на водачот на регионот Рамзан Кадиров.

Наводите за тортура во северниот Кавказ се појавиле на почетокот од минатата година, кога еден истражувачки весник објави дека повеќе од 100 хомосексуалци биле притворени и мачени во тајни затвори во Чеченија. И Кадиров и Кремљ ги негирале тврдењата.

Новата објава на Република, вели дека во вторникот, чеченските власти се впуштиле во кампања за тортура против луѓето кои користат дрога и дека минатиот август биле уапсени повеќе од 70 лица по наредба на Кадиров.

Статистики за војната против дрогите од Алијансата за дроги од Њујорк

Алијансата за политики поврзани со дроги од Њујорк направи статистики за казни, потрошени пари за војната против дрогите, легализација на канабис, селективна правда и слично. Погледнете ги статистиките.
  • Потрошен износ во САД на годишно за војната против дрогата: над 50  милијарди долари.
  • Број на апсења во 2016 година во САД за прекршување на законот за дроги: 1.572.579.
  • Број од овие апсења кои се само за поседување: 1.249.025 (84 проценти).
  • Број на лица уапсени за прекршување на законот за канабис во 2016 година: 653.249.
  • Број на обвинети за прекршување на законот за канабис, кои биле уапсени само за поседување: 574.641. 
  • Број на Американци затворени во 2016 година во федерални, државни и локални затвори: 2.157.000, највисока стапка на затворање во светот.

Новите закони за дрога во Иран може да поштедат 5.000 осудени затвореници од смртна казна

Околу 5.000 ирански затвореници би можеле да бидат поштедени од смртната казна по омекнување на законите за дрога во длабоко конзервативната земја Иран, каде има најголем број егзекуции секоја година по Кина. Во Иран во 2017 година, повеќе од петстотини лица биле егзекутирани, вклучително и најмалку пет малолетни престапници. 

Иранското судство го укина смртното казнување за одредени прекршувања поврзани со дрога, објави во вторникот (9-ти јануари) иранската новинска агенција Мизанолајн. Шефот на судството, ајатолахот Садек Лариџани им нареди на службениците да ги прекинат егзекуциите на затворениците погодени од новите закони.

Интерактивна мапа: глобални политики за дрога во 2017 година

Talking drugs, секоја година ја надополнуваат интеркативната мапа за глобални политики за дрога. Во 2017 година се забележува влошување на кризата со опиоидни смртни случаи во Северна Америка, екстремна бруталност против луѓето кои употребуваат дроги на Филипините и одржување или интензивирање на прохибилистичките политики за дроги во повеќе земји. Сепак има и голем број прогресивни чекори во однос на намалување на штетите и реформи поврзани со канабисот насекаде низ светот.

Амстердам град без стигма

Од гледна точка на активистите од Источна Европа, Амстердам е симбол на хуманата политика за дрога. За повеќето луѓе, Амстердам е град на хумана политика за дрога, успешни услуги и превентивни програми, дроп ин центри, засолништа за бездомници, соби за безбедно инјектирање дроги, супституциона терапија со хероин, продавници за канабис, паметни продавници, многу толерантна полиција и соодветни градски власти. 

​​​​​​​Наскоро возможно дијагностицирање на туберкулоза со тест за урина

Дијагностицирање на белодробна болест како туберкулоза со тест за урина може да изгледа нелогично, но група американски истражувачи сега се чекор поблизу до таа цел. Научниците од Универзитетот Џорџ Мејсон ја подобриле точноста на тестирањето на шеќер од туберкулозните бактерии. Ова значи дека наскоро би можело да се направи едноставен тест од урина за откривање на туберклоза. Студијата на истражувачите била објавена минатиот месец во Science Translational Medicine.

Според Светската здравствена организација, туберкулозата убива околу 1,7 милиони луѓе годишно. Голем број луѓе носат неактивни бактерии, годишно се разболуваат околу 10 милиони и се развиваат кашлици кои ја пренесуваат инфекцијата. 

Новогодишни пакетчиња од Град Скопје, за децата кои го посетуваат дневниот центар на ХОПС

„Среќна Нова Година 2018, Ви благодариме за сѐ што овозможивте“. - Децата од ХОПС. 

Ова беше честитката на дечињата од ХОПС по повод посетата на претставници од Секторот за јавни дејности, Одделение за социјална, детска и здравствена заштита на Град Скопје заедно со Претседателката на Советот на Град Скопје, Љубица Јанчева. Тие го посетија Дневниот центар за рехабилитација и ресоцијализација за лица кои употребуваат дроги. Дечињата кои го посетуваат центарот, беа израдувани со новогодишни пакетчиња. Истовремено беше одржана и креативна работилница каде беа изработени честитки посветени до донаторите со топли желби за Новата година.

Промовиран е графичкиот роман СИНИ ПИЛУЛИ

На 27.12 на овогодишниот саем на книги во ГЕМ во 19 ч. се одржа промоција на графичкиот роман СИНИ ПИЛУЛИ од Фредерик Петерс во изадние на ТЕМПЛУМ и ХОПС со поддршка на Фондацијата Отворено Општество.

Дискусијата на  Владо Манчевски и Андреј Сених беше моќна и инспиративна и успеаа да ја доловат љубовната приказна на Фред и Кади, чија врска се усложнува кога Кади му открива дека таа и нејзиниот тригодишен син се ХИВ-позитивни. Одлично ја пренесоа љубовта и внимателноста  на авторот кој го раскажува развојот на заеднички живот со Кади. 

Денес и утре може да си го набавите стрипот во ГЕМ на Мал новогодишен саем на книги во ГЕМ #8

Истакнати жени од областа на дрогите

Ен Шулгин (портрет од Ен Шулгин)

Ен Шулгин (Лора Ен Готлиб, родена на 22.3.1931 г.) е американски психотерапевт, истражувач и сопруга (вдовица) на американскиот хемичар, психофармаколог и истражувач Александар Шулгин (1925 – 2014).

Во нејзината кариера Ен Шулгин работела во терапевтски средини со психоделични дроги како што се МДМА и 2Ц-Б во периодот кога сѐ уште биле легални. Поседува уникатно и значајно знаење за благотворните последици на психоделичните дроги во терапевтски контекст. Во нејзините текстови таа го истакнува потенцијалот на дрогите од овој тип, согледан од перспектива на психоаналитичарот Јунг.     
  
Ен сѐ уште активно учествува како предавач на конференции на тема на лековитите можности на МДМА и на психоделичните дроги и понатаму се застапува за употреба на психоделичните дроги во терапевтски контекст и истражувања.

Заедно со нејзиниот сопруг таа е коавтор на книгите „ПиХКАЛ: Хемиска љубовна приказна – Фенетиламините што ги запознав и засакав“ (PiHKAL: A Chemical Love Story - Phenethylamines I Have Known And Loved, 1991) и „ТиХКАЛ: Продолжение – Триптамините кои ги запознав и засакав“ (TiHKAL: The Continuation - Tryptamines I Have Known and Loved, 1997), а во моментов работи на третиот том од оваа серија. Исто така свој придонес Ен Шулигин има во книгите „Од Танатос до Ерос: 35 години психоделично истражување“ (Thanatos to Eros: 35 Years of Psychedelic Exploration); „Ентеогени и иднината на религијата, умови што манифестираат: Преглед на психоделичните дроги во науката, во медицината, во сексот и во спиритуалното и многу повеќе“ (Entheogens and the Future of Religion, Manifesting Minds: A Review of Psychedelics in Science, Medicine, Sex, and Spirituality and many more).  
    
Извор: Еровид и Википедија

Pages